Gabon AC Milani, vetëm barazim ndaj Parmas

14:27 | 20 Prill 2019
Arbresh Info

AC Milani nuk ka arritur të marrë më shumë se vetëm një pikë pasditen e sotme (e shtunë) kundër Parmas.

Kuqezinjtë vazhduan me formë jo të mirë edhe në takimin si mysafirë kundër rivalit të xhiros së 33-të në Serie A duke barazuar me rezultat 1 me 1, shkruan portali arbresh.info.

Samu Castillejo dërgoi në avantazh skuadrën e Gattusos derisa po zhvillohej minuta e 69′ duke shënuar me kokë pas asistimit nga Suso, por rezultati u barazua në minutat e fundit të takimit.

Bruno Alves me një supergol nga gjuajtja e lirë barazoi gjithçka në stadiumin Ennio Tardini.

Milani me këtë barazim rrezikon shpresat për pozitë kualifikuese në Ligë të Kampionëve dhe qëndron në vendin e katërt me 56 pikë, dy më shumë se Roma në vendin e pestë me një ndeshje më pak dhe tri më shumë se Atalanta në vendin e gjashtë gjithashtu me një ndeshje më pak./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm